第二十六天 - 淡水到關渡 - 最後一日既單車旅程 (單車 - 13 km)

話咁快, 就係單車旅程既最後一日.... 好唔捨得呀~
其實心情好矛盾, 唔想個旅程咁快完結, 但係又唔想踩, 想搭車.... 忐忑~

點都好, 都要出發架啦.....

捨不得的早上~

戰車在淡水....

 呢間係老店既阿給, 唔係老街架.... 好食好多~

 好多本地人幫襯~

 我地實在太唔捨得呢個單車之旅, 所以我地真係踩得好慢, 仲響淡水兜左陣....

 前面既關渡大橋就係終點喇..... 唔想咁快踩到呀.....

 唔想到, 但係始終都會到......

 點知... 去到單車鋪, 老闆呢個星期改左休息日呀.... 我地早左幾日還車..... 早知黎之前打個電話俾老闆先啦....... >.<.... 我諗係架戰車唔捨得我地呀....

 未知點算, 食左野先講啦~

 我地呢餐係食冰架~

 呢杯.... 梗係我架啦~

 C先生唔服氣, 要整過份熱狗喎.... 今次OK 啦~ 同你上次比, 呢個簡直靚爆鏡啦~

 我地最後, 決定放架車響單車老闆既FRIEND度, 聽日先黎還車.....

出台北市~

佢地好善用天橋底.... 竟然用黎做消防局.....

 我地搭車出台北~ 搭車的感覺真好~

 呢間就係人地介紹既民宿..... 果然, 真係撞返0個個香港人~ 我地仲一齊出去行街同逛夜市添~

 民宿都幾高, 睇晒台北市~

 總統府~

開始食食食~

好靚呀~

 呢個好食呀~~ 響街邊食咋, 唔知邊度黎~

 去左西門町~

 去西門町, 梗係搵我既至愛啦~ 我之前黎台北既時候, 日日都飲架~ 呢間真係好味~

 行完西門, 去寧夏夜市~ 係響去台北既飛機上, 坐我隔離既台灣人介紹架~

麻麻地....

 叫一份試下先..... 點知.....

 食完第一份之後, 叫左好多份.....

 簡直係賣飛佛呀~ 諗返起TASMANIA既生蠔添..... HEHEEE~

 行多一陣, 我地都係返黎呢間燒蠔度ENCORE.....

 我地仲叫左呢個唔知咩貝添呀~ 不過都係燒蠔好食D~

第二十五天 - 福隆到淡水 (單車 - unknow km)

呢日既行程本來諗住分兩日踩.... 但係踩到咁上下, 算啦, 一日踩過去都得~

單車旅程進入尾聲~

福隆朝早冇乜地方食早餐, 所以就食7-11~ 好豐富呀~

 呢個係我整既熱狗~ 靚靚~

 C先生佢見我食熱狗, 佢又要食.... 但係整到咁既樣........好核突......

 出發喇~

沿路既風景~ 唔知咩黎既~

 陰陽海??!

 進入基隆範圍~ 見到呢個, KAWAII 呀~

 我地去到碧沙漁港~ 佢地係養黎食架......

 好多海鮮呀~

 但係..... 其實麻麻地.... 我地響呢間野食, 佢D 海鮮都唔多既........ 早知響頭先個街市買過黎整啦.....

 東港好食好多~

 全部都令我地失望........ >.<

我都係覺得思樂冰先係貨真價實........

 隧道呀...... 我地過左幾條隧道, 真係好恐怖呀..............

雖然每條隧道都唔係好長, 得幾百米, 但係..... 真係度秒如年......
呢條路真係好多大車行, 響條密封隧道入面, 真係好大壓迫感....... 隧道入面既行車線只係夠一架車過, 冇位俾自行車.....
有一條隧道, 我踩到中間, 有好多架大車響我後面, 我已經有D驚, 個軚盤有D控制唔穩..... 好彩後面架砂石車司機好PATIENT 咁等我踩出隧道, 佢冇"BOOT"我, 如果唔係我一定炒左車..... 好多謝呢位司機呀... 如果唔係, 我一定會受傷呀........ 謝謝~


祈求一個靚靚日落~

就黎日落喇..... 點解個天色唔靚既?!....

就響呢個時候, 我向個天大叫.... 我響度成個月都睇唔到一個靚既日落, 可唔可以俾我睇一次呀??!!

我地好快咁踩, 想趕去富貴角睇日落呀~

原來個天係聽到架..... :)

我地坐左響度睇.......... 睇晒成個日落呀.....

咸蛋黃呀~
見到個底D雲咁厚.... 我又大叫, 如果想睇埋個咸蛋黃落到底, 係咪好貪心呀??!!!.....

 原來個天真係聽到架~ 個咸蛋黃真係再出現返呀~

 好滿足既一日呀~

睇完之後, 我地好努力咁踩, 想一日返到台北還車~
但係踩到個天黑晒都未到....... 我同C先生商量, 大家有D意見分歧....

於是諗左幾個方法.... 我地踩到淡水搵住宿, 之後去士林食野, 第二朝先踩去還車~

 我地響淡水搵左好一陣子住宿.... 搵到之後, 極速搭捷運, 去士林夜市食野~

 食完之後, 估唔到可以趕尾班車返去喎~ HAHA~ 慳返D 的士錢~

 呢張就係陪左我咁多日既地圖喇....其實佢已經爛晒, 我拼返埋一齊黎影相咋......
諗下諗下, 有D 唔捨得呢個單車旅程, 因為聽日就要完結喇.....捨不得.....

 呢日踩左幾多KM?? ai... 唔知呀.... 其實我個meter 一早就已經壞左, 要靠C先生..... 但係我地響呢晚既民宿, 搬行李上房既時候, 民宿老闆好心幫我地搬單車.... 我諗就係咁, 個meter響佢不知情下reset左..... 灰..... 呢日都踩左好多架嘛..... ai....