一個人去有D 危險, 搵PARTNER 一齊去啦~

我成日都覺得自己一個人去旅行好型~ 所以今次既一個月旅行都想自己一個去型下~
但係一同D FRIEND 講, 十個有二十個都話危險, 唔好自己一個去踩單車..... 行公路有可能會遇到意外, 同埋台灣咁熱又咁曬, 好容易會中暑..... 暈左響條路度點算呀??? 俾車撞點算呀??!!.... (下刪一千萬字.....)

STOP!!!!!!! 好喇好喇..... 我唔一個人去, 我試下搵人一齊去啦~ 但好老實講, 我D 大部份係女仔FRIEND, 怕曬怕熱怕辛苦既多的是.... 仲要成個月, 咪玩啦.... 所以我做左一個好大膽既創舉 -- 上網搵PARTNER!!!!! 對我黎講好大件事架喇, 我未試過約D 唔識既人出黎, 仲要去旅行喎..... 所以今次既旅行, 真係做左好多我平時一定唔會做既野..... 每一樣野對我黎講都好深刻, 好難忘~


上網搵PARTNER~

其實出左POST 之後, 都有唔少人REPLY, 但係絶大部分都係男仔..... 我要女呀........ 就係咁等等下, 有一個女仔出現~ 但係佢只可以去到開頭既10日8日.... 是但啦, 照殺~

咁ARM, 後尾搵到個男仔, 可以JOIN 我最後2個WEEKS 喎~ 既然搵唔到女仔, 都是但啦, 殺埋佢啦~ 就係咁, 我地約出黎傾DETAILS~

傾完之後, 佢地都係冇乜所謂, 各自踩一半, 踩邊都冇所謂~ 好!!! 就咁啦~

時間上, 我會去1個月=4WEEKS, 頭一個星期個女仔同我踩 - 台北行西邊到高雄, 尾兩個星期個男仔同我踩 - 高雄落墾丁行東邊返台北.... 咁中間0個一個禮拜呢??!! 我試下搵FRIEND 會唔會有人去高雄先~ 不過一個禮拜, 我都冇乜期望....

點知, 有一個好爽快既FRIEND 一問就OK, 仲即刻買埋機票, 超快!!! 勁呀!!! (我心諗, 佢唔駛返公司請假架咩?.... HAHAHA~) 佢仲好好, 佢PLAN 晒高雄既行程, 咁我可以專心睇單車既路線/資料添~~ 真係好!!!


PARTNER 都搵埋, 買機票出飛喇~ 由於飛過兩個禮拜, 好多PROMOTION TICKET 都係得7 OR 14 DAYS, 咁我唯有買兩個月既機票啦~ 貴少少, 但係冇辦法啦~

搞掂晒~ 出發喇~~~~