第十一天 - 最美好的一天~ (單車 - 0 km)

呢朝一早起身, 今日既行程犀利呀~

快手食個早餐~

之後搭捷運去小港站~

再搭半個鐘的士..... 咁轉折, 究竟去邊??!!

 仲搭埋船喎.....

 我地就係去..... 小琉球!!!!! 其實我地遲左少少.... 好在班船都遲左少少, 我地趕到... 如果唔係就有排等喇....

小琉球PERFECT 之旅~

我本來聽人講, 話小琉球冇咩好玩..... 所以冇乜期望.....結果係.... 喜出望外呀!!!!!~

個天勁靚~ 係就係好熱, 但係天氣真係好好, 有天氣既配合, 真係好靚呀~

 第一個景點 - 花瓶石~ 靚靚~

 影乜都好靚~

 響幾層樓高既地方望落去..... 好清呀~

 呢個唔知咩灘, 總之就靚啦~

 呢度好多人玩浮潛~ 最衰冇準備黎玩水啦.... 

 D 水真係好清呀~

 靚到唔捨得走.... 留響度好耐, 搞到曬到紅晒.....

 真係好清呀......

 離開呢個灘之後, 去左一個仲HEA既地方.....

 我就響呢張韆鞦櫈坐左好耐....好耐.....好耐...... B先生催我走我都唔想走..... 我仲問佢.... 點解唔PLAN 兩日一夜響度呀??!!.... 佢話... 鬼知咁靚咩......

 坐響韆鞦櫈望返出黎.....

 原來我坐既地方係屬於呢間民宿..... 好想響度住一晚呀........

 另外一度住既地方, 好似一個度假村咁~

 呢個係另一個灘, 但係太多遊客喇...... 不過都好靚~

 我開頭以為係爛葉.... 原來係個款係咁....

到晏晝, 天氣開始差添....  我地都差唔多要搭船返高雄喇.....

 返出去碼頭附近,醫肚先~

 估唔到咁好味呀~ 呢度所有野都好PERFECT呀~

呢個芒果冰都好特別~

小琉球真係好靚呀~ 真係一個好HONEYMOON 既地方又可以好HEA~..... 0個日真係好想留響度架..... 但係乜都冇準備..... 

海鮮餐~

搭船返出東港之後, 去左漁市場.... 去魚市場做乜??? 緊係食海鮮啦~

 我地見間間都差唔多, 就是但揀左間黎食~

 好平呀~ 呢度係150 台幣咋.... 即係40幾蚊港紙.....

食完唔夠喉.... ENCORE~

 

 .... 食完呢碟之後... 我問B先生...可唔可以再ENCORE 三文魚.... HEHEHEE~~

食咁多野.... 老闆都呆左... HAHAHA~

之後我地就搵炭烤海鮮~

 

 響間炭烤望出去既MAGIC MOMENT..... 正~

食喇~~
食店唔多人, 因為今日落好大雨.... (但係小琉球朝早好好天, 到我地走既時候先落雨... 而我地返出東港, 東港就停左雨~ HEHEEE~)

我第一次自己燒生蠔... 原來係唔駛開個殼架..... 佢熟就會自己打開少少, 好似蜆咁架~ YUMMY~

 睇住佢一開口就即食..... 感覺真好~

我地黎東港既時候係搭捷運再轉的士....但係我問人, 其實係有巴士往來高雄架~ 咁我地食飽飽之後, 就問食店既老闆點行出去搭巴士, 慳返D 的士錢~ 點知我地行下行下, 個老闆開架私家車出黎, 話車我地出去巴士站喎.... 因為佢見落緊毛毛雨.....

佢真係好好人呀~ 其實真係好毛毛雨, 我都唔打算開遮.... 可能佢驚會越落越大卦.... ANYWAY, 好多謝佢既關心~ 車我地出去, 唔駛行一大餐~ HEHEHEE~ THANKS!

搵到巴士站喇~ 買飛先~

等車其間, 好快手咁去7-11 買左杯思樂冰~

今日真係好開心, 好開心, 好開心........ 所有野都好好, 最後仲有一杯思樂冰作結..... WHAT A PERFECT DAY!!!!

好多謝B先生既行程安排呀~ 真係冇諗過留響高雄既呢段時間會咁難忘架...... 本來諗住HEA.... HAHAHA~