張小姐的台灣單車環島遊~: 第五天 - 大村到嘉義 (單車

響陌生人屋企訓醒到第二朝.... 冇事發生~ 呢位大哥真係好人~

呢度就係我地住既地方望出去.....

其實睇到日落架, 仲好靚添.... 可惜我地尋日到既時候天都黑晒.... >.<

附近遊走~

好好人既大哥見朝早有少少時間, 帶我地響佢條村度兜下~ 我地可以感受下台灣鄉鎮仔既悠閒生活.....

唔知點解呢塊田有兩個心型既"水TUM"....

生勾勺既火雞.... 我大鄉里, 未見過識郁既... 只見過響雪櫃同枱上既.... HEHEHEEE~

唔知係鵝定鴨..... 但係佢地好悠哉遊哉......

成地都係呢D.... 羽絨~

逛完一輪, 大哥要返工, 我地都係時候出發喇~ 真係好多謝呢位咁好人既大哥~

響附近食個早餐先~

無意間搵到間老店食LUNCH~

我地又出發喇, 今日既目標係嘉義.....

今日既天氣好熱, 冇之前幾日咁好踩, 因為好焗, 空氣越黎越差...... 可能因為越近大城市, 所以空氣會唔好啦.... >.<.... 搞到我地都踩得慢左, 進度冇咁好... 不過都應該去到嘉義既~

去到一個地方叫莿桐, 又係中午時間, 都係時候避太陽........ 搵思樂冰先~

搵到間7-11,一入去坐低就見到對面馬路有間食店, 好似有米粉食, 即刻想衝入去~
但係見到有好多人食緊, 所以響7-11 飲住思樂冰HEA 下先~

原來思樂冰都可以外賣架.... 佢地整定晒放響雪櫃....

坐坐下, 見到有只狗好熟路咁入左黎涼冷氣....

佢真係好舒服咁嘆冷氣呀..... 好好笑.... 原來佢係跟主人入黎既, 而主人係呢間7-11 既老闆~

坐左一陣, 見到對面馬路既米粉檔都仲係咁多人... 我地都係時候要過去喇.... 如果唔係俾人食晒D 野呀.... 唔好等, 過去先~

好好味.... 所以..... K.O.~ YEAH~

呢間鋪既嬸嬸好好傾, 又係咁同我地講, 叫我地嫁去台灣..... 點解佢地咁好笑既.....

咁ARM 黎搭枱既係兩母女, 佢地係越南人, 阿媽而家響美國生活, 黎探個女~ 佢兩個女都嫁左過黎台灣..... 乜真係咁多過埠新娘?

其實同佢地傾計好好笑.... 阿媽只係識越南話同英文, 個女就只係識越南話同普通話.... 我地同佢阿媽講英文, 個女係聽唔明, 我又要用普通話再講一次... 佢地只係可以用越南話溝通.... 我同PARTNER 就講廣東話.... 真係好好笑, 我地張枱好似聯合國咁... HAHAHHAA~

食完再返7-11 買野飲~ 聽個店員講, 原來我地頭先食既鋪頭開左好多年, 好好食, 所以KEEP 住都好多人黎食...... HAHHA~ 竟然俾我地誤打誤撞, 入左去食~ 呢D 都係平時旅行唔會去既地方, 竟然有發現~ YEAH~

響粉面店隔離既檳榔鋪..... 究竟檳榔點先為之專業呢???!! HAHAHHAA~

呢日係我地第一日食正常既午餐, 唔再係食7-11 OR冰.....感覺係.... 好飽...同埋充滿力量~原來一餐正常既LUNCH 係咁緊要架~

又再遇到通霄鎮既香港人~

我地又繼續我地既踩單車....踩左一陣, 見到響通霄鎮遇返既香港人, 佢地本來係兩男兩女, 但係我地只係見到兩個男..... 因為佢地已經拆伙, 兩個男既繼續好快咁環島, 兩個女既就HEA 踩, 踩唔晒就搭車返台北~ 其實都係既, 大家既目標唔同, 分開玩, 對大家黎講都係好事黎既~

我地仲一齊去警察局加水~ 但係呢間差館..... 冇得加水.... 不過....... 樽裝水任拎!!!! 真係豪呀~拎返兩支先~

嘉義好多車....

我地繼續沿住條台1線踩, 沿路見到好多環島人, 全部都唔會再相遇....因為佢地全部都爬晒我地頭... 其實唔係我地踩得慢, 只係佢地踩得快之嘛.... HEHHEEEE~

踩踩下,竟然見到.........鴨場??!!!

.................... 係鴨場, 唔好諗第二D 野, 係一隻隻既鴨..... (其實我都唔識分佢地係鵝定鴨.... HAHA)