第十二天 - 最HEA的一天~ (單車 - 0.2 km)

尋日過左最PERFECT 既一日, 今日係最黑仔既一日.....

發生意外...

我地呢日訓得晏D, 起身之後, 諗住踩單車響附近行下.....
當我地踩到去食早餐既地方, 泊單車既時候.... 我大叫一聲同聽到隻腳"拍勒"一聲.... 出事喇..... 我拗柴呀.......

B 先生好緊張問我咩事.... 之後第一句講既, 就係問, 咁你仲點踩單車返台北呀??!!..... 呢一句, B 先生之後都問左我好多次.... HAHAHA~

拗左柴後, 行都行唔到.... 唔郁得呀...... >.<.... 痛死我喇.....

慢慢"冷"入去食野既地方抖一陣先.... 未醫腳之前, 醫左個肚先....

其實呢間春水堂係OK 既.... 只係我有心理陰影,以後都唔會再去........ 我永遠都記得我係響佢門口拗柴架!!!!!

食完之後, 好慢, 好慢咁.... "冷"返民宿..... B 先生出發黎高雄之前, 我叫佢拎支跌打酒俾我, 捽下D 手腳踩單車時整親既瘀傷...... 點知.... 其實呢支跌打酒既真正目的係...... 捽我只拗柴腳.....

返到民宿之後, 我都真係出唔到去架喇..... 反正我都係響民宿HEA, 咪叫B先生自己出去繼續佢之前PLAN 左既行程囉... 唔好嘥左佢D 時間響度陪我HEA 啦.....

以下既相, 係B先生響我訓到不醒人事既時候影既..... 唔好諗錯野呀, 我響民宿訓覺, B 先生出左去行咋.... HAHAHA~

 愛河之心既日景.... 我都去過, 不過係夜晚...... 感覺都幾唔同....

 光之塔.... 我都去過, 係夜晚~ 我覺得夜晚靚D..... 不過都係唔駛特別去....

 唔知乜潭喎....

 唔知乜地方....

 九曲橋喎....

 食野喎.... 好好食喎....

 訓到六點幾七點, 沖完個靚涼冇幾耐就有得食~ B 先生買左D 返黎食~

 唔駛出街有野食~ 正~ B 先生全部都買左兩份.... 我食第一袋既時候唔知, 成袋食晒.... 見到佢個好無奈既樣, 真係好好笑.... 我只可以不停SAY SORRY.... 都食左咯... 可以點喎... HAHHA~


食完之後, B 先生話出去夜市再買野返黎食過 (佢分明串我食埋佢D 野, 佢食唔飽啦... HAHA).... 咁我又訓左一陣.... 訓醒, 又有得食~ YEAH~

其實今日一出去冇幾耐就拗柴, 痛到死又行唔到, 應該好唔開心.... 但係諗諗下, 其實呢日響度訓下抖下, 都幾好丫, 訓醒又有得食, 簡直係豬既生活呀~ 呢日其實都幾NICE 丫~

所以好多野都有兩面, 表面睇係好唔開心既一日, 但係其實都可以係幾開心既一日丫~


響度同B先生再講聲唔好意思.... 因為我既論盡, 搞到呢日個行程亂左.... 同埋之後幾日都要行慢D 黎就我..... 當然仲要多謝佢對呢個跛左既麻煩人既照料啦~ THANKS!