第二十天 - 綠島~ (單車 - 33 km)

呢朝本來諗住搭公車去碼頭, 再搭船去綠島...... 點知.... C先生唔知醒..... 就係咁, 之後既日子, 我都去佢房敲門, ENSURE 佢起左身..... 呢條友仔之後幾日同我講, 佢呢世人只係佢阿媽叫過佢起身, 我係第二個, 所以佢以後母親節都會諗起我..... 正死仔!!!  俾家用呀!!!!!

由於C 先生唔知醒, 我就自己食早餐~ 呢晚既住宿係包早餐既.... 但係冇咩好食....

是但啦~ 好又一餐, 唔好又一餐~ 我仲整左幾塊多士拎走俾C先生食.... 死仔包, 俾家用呀!!!!

出發去綠島~


我響LOBBY SEARCH 去綠島既資料, 個RECEPTION 姐姐仔問駛唔駛幫手問PACKAGE~ 梗係好啦~ 求之不得啦~

我地本來諗住放低架車響旅館, 我地就搭巴士去碼頭買船飛, 去到綠島再搵住宿~ 咁響綠島就租機車, 唔想再踩......


姐姐仔幫我地問晒野之後, BOOK 左船飛, 旅館, 浮潛, 機車...... LAST MINUTE 佢問我地有冇執照.... 咩執照呀??!! 機車執照??!!! 乜唔係離島唔駛執照架咩??!!!!..... 死火喇.... 咁點呀??!!
我地好快手咁, 執返晒D 行李上單車...... 踩單車去囉....

而家諗諗下, 呢個都係不幸中之大幸..... 好彩我地早左知, 可以拎埋架戰車過去.... 如果唔係過去租返架單車咪好白痴??!!

由於姐姐仔話我地踩單車過去碼頭要好耐, 我地不敢怠慢, 即刻出發~ 好彩, 我地唔係踩左好耐就到喇~

有驚無險, 去到碼頭喇~

 估唔到我地響呢度撞返尋晚響單車鋪既香港人.... 哈哈~

上船喇.... 但係上船既安排其差..... 點解要D 人響出面曬, 又未上得船.... ai....

 我地既戰車都等緊上船呀~ 不過要俾托運費.... 係俾船員, 唔係買飛架.... 怪怪地...

 我地就同呢個香港人一齊坐, 一齊傾計~

綠島兩日一夜遊~

落船之後, 我地去我地訂左既民宿, 嗰位香港人就去搵住宿~　

 又係肚餓既時候~

 住宿~

 食完飯, 換好衫~ 我地去浮潛喇~

好多魚呀..... 因為我地冇準備落水, 所以冇帶防水袋過台灣..... 影唔到相添....

 浮潛其實都幾好玩, 都睇到好多魚呀~

睇完其實好攰, 仲好肚餓.... 所以換返衫, 即刻去食野~

 浮潛完食飽飽, 諗住去睇日落.... 見有d 時間, 踩單車兜下先~

 我覺得呢度靚過墾丁~ 其實我地響墾丁好失望既時候, 突然諗起不如去綠島啦~ 彌補下我地鍾情於墾丁既心寧創傷..... 所以我地就寄望於綠島~ 好在, 呢度冇令我地失望~ 其實天氣好, 好多地方都可以好靚~ 不過我都係覺得小琉球靚d, 個天比呢日更藍~ 同埋回憶永遠都係最美好既.... 我印象中既小琉球簡直就係perfect 呀~

 呢兩只狗好串.....響度避暑, 有車行都唔理, 繼續訓.....

 一路沿海踩左3份1, 都好好踩..... 所以我地就決定不如踩一個圈, 應該好快啫~ 踩完應該仲可以搵個地方睇日落~

 點知.... 出事喇..... 過左呢3份1 之後, 原來係上山....... 搞錯呀.... 我冇諗過黎呢度踩單車踩得咁辛苦架喎..... 又冇得call 車.... 點呀?! 照踩囉.... 踩唔到就推囉..... ai.... 中伏.....

 真係踩到死下死下..... 所以奉勸各位, 響綠島唔可以踩單車呀..... 我地沿路完全見唔到人踩單車.... 我諗其他人見到我地響度踩單車, 一定心諗.... 呢兩個係傻仔黎架??!!... 灰....

 踩得好辛苦, 終於環左一個圈..... 去7-11, 即刻搵我既意志食糧..... 點知.... 佢竟然冇晒大杯... 得返d 兒童杯思樂冰???!! 咩7-11黎架???!! !@*#(*&$#^$&*@$()#@*$^#@*
激死.... 但係.... 兒童杯都照殺~

 我地好快手咁, 買完之後即刻趕去睇日落~
搵到個好hea 既地方睇日落~ 正~

 我地竟然響呢度撞返個香港人~ 真係橋~ 撞幾次~

呢個香港人仲帶我地去佢個民宿度參觀添~ 八人房得佢一個訓~ 呢間房, 令我諗起奬門人既大長碌~ 哈哈~

 見到呢間專賣名信片既~ 入去睇下先~

 見到呢張名信片~ 不得不買啦~ 寄俾自己先~

呢間鋪頭好特別, 佢可以set 唔同年份月份幫你寄出架~ 我set 左幾個月後先寄, 生日應該會收到~ yeah~

 又係食飯既時候喇~ 呢間....麻麻地啦... 都係晏晝第一間好食好多~

 我地叫左魚蛋.... 原來佢地既魚蛋真係魚蛋, 係魚既蛋.... 即係魚春.....  我仲好白痴咁以為係香港既魚蛋添.....

其實綠島呢日都好特別.... 首先係朝早既有驚無險, 極速執行李.... 之後響綠島可以試浮潛, good 呀!~ 又估唔到環島係要踩山...... 到最後, 有一個靚靚日落.... 雖然睇唔到咸蛋黃日落, 但係都好靚, hea 住睇~ 正!~

好在, 冇左個墾丁, 補返個綠島.... 都好開心~