第七天 - 新市到高雄 (單車 - 65 km)

呢間酒店係最貴, 但係訓得唔係幾好.....其實呢度真係高床軟枕, 只可惜我係一舊賤骨頭..... 訓得麻麻地....

又係食早餐既時候, 呢間野係BUSINESS HOTEL, 早餐唔會太差~ 講好又唔係太好, 不過不失啦~

呢度就係酒店既大堂....

大陸妹???!!

我地唔想太晏去到高雄, 因為高雄係大城市, 車一定多.... 如果去到係放工時間既, 仲大鑊.... 所以, 都係早D 出發, 踩快D~

天氣都幾好~

但係我地想踩快D都唔係咁容易...... 真係好辛苦, 因為入台南市都已經太多車, 好疲累呀....
好彩踩到過左台南市, 一切又回復平靜......

我地好努力咁踩左40幾KM, 交到貨啦~ 入左高雄範圍, 應該好快到高雄市喇~

朝早踩左咁多~ 可以食LUNCH!

我地響附近搵左間食炒飯既~ 

入到去, 姐姐仔拎左兩杯涷既冬瓜茶俾我地.... 我地一啖就飲晒, 問佢可唔可以再酙, 佢就成壼俾我地任飲.... 正~

 想食菜, 見到個餐牌有個叫"大陸妹", 問姐姐仔係咩黎既, 佢講完都唔知係乜..... 咁就叫黎試下囉.... 點知, 原來係生菜......

 留意菜類最右手邊.... 大陸妹~

 呢餐我地hea 左好耐呀.... 因為出面太曬喇, A小姐就響度睇雜誌, 我就食飽眠一眠~ 爽呀~

HEA 到兩點幾, 要出發喇.... 都係0個句, 唔想放工時間先踩到高雄, 太多車喇.....

再加上響台南落高雄既時候, 我目睹一宗意外.........

目睹意外發生....

我見到一架私家車撞到一架機車, 機車司機被拋起跌落地..... 不醒人事.......

 我好驚呀...... 即刻呆左咁, 停左響度..... A 小姐就問我咩事, 之後佢都唔敢問, 唔敢望, 繼續踩.... 我唯有跟住佢繼續踩......但係一路我都好驚, 好小心咁踩......

後來我諗返, 其實我見到兩架車既車速都唔快, 見唔到血..... 可能個傷者係暈左0者... 希望佢冇事啦....

繼續去高雄市~

踩到橋頭喇, 應該好快到市中心~ 努力呀!

點知.... 我地踩左好耐先到高雄市... 真係幾經辛苦先踩到...... 原來由高雄去到高雄市係咁遠架....

仲要係好多車,尤其係機車.... 係超多機車......
我地去到高雄市之後, 有諗過搭捷運去民宿架, 因為實在太多車, 太難踩...... 好彩我地冇臨尾香~

A小姐完成佢既旅程喇~

終於到我地既民宿喇~ 由於我會響度留一個星期, 所以朋友仔幫我BOOK 左成個星期既民宿~

我地真係好肚餓, 放低晒D 野之後, 要出去搵野食喇.......

呢度就係85大樓~

 見到呢度好多野食, 唔理喇, 食左野先~

我地既最愛~ 雞脾~

響高雄, 其實好多人都仲係好NICE, 但係都真係感受到城市同鄉村既分別..... 鄉下地方既人情味好好多......

我地食完之後行左陣~

好靚既MAGIC MOMENT 呀....


韓式診所?? 即係咩呀??!?! 原來係整容診所.....

我地黎台灣之前, 識左一個都係黎台灣踩單車既香港男仔, 咁ARM 佢又響高雄, 我地約出黎聚一聚~ 我地響中央公園站等佢....

 呢個站真係整得幾靚~

 我地去左行城市光廊......

 完全冇野睇.... 真係唔駛去....

 我地最後都係去左行街食野~

 A小姐可能完成左個TRIP, 佢覺得好攰呀..... 所以我地都早D 返去沖涼訓覺~
搭捷運, 唔駛踩, 真係好舒服.... 正~

返到民宿, 同A小姐傾計, 先講返今日目睹既意外.... 原來A小姐唔係見到好多野, 所以佢當冇事發生, 照踩.... 都唔敢問我發生咩事.....


其實發生意外之後我好驚架..... 即刻唔想再踩..... 諗諗下, 我響高雄休息一個星期都幾好, 可以消化下呢個意外, 唔駛咁驚....

本來諗住響高雄留一個星期都幾浪費時間, 但係而家諗返, 真係好彩我可以響高雄休息一個星期咋.....

A小姐完成佢既踩單車旅程, 都鬆左一口氣~ 佢都準備聽日返台北, 之後再返香港喇.....