張小姐的台灣單車環島遊~: 第二天 - 關渡到南寮 (新竹市附近) (單車

呢朝我地8點起身, 響附近食早餐~

響呢間豆漿鋪遇到個伯伯, 佢係咁同我地講話台灣男仔好, 不停叫我地響度搵返個台灣男仔, 佢好好笑~

之後響出發前去單車鋪作最後一次檢查~ 一切冇問題, 我地正式出發喇!!!

真正的出發~

鳥哥教我地由單車鋪踩出去, 叫我地去到桃園就踩落中壢, 話中壢易搵住宿喎..... 中壢????!!!! 佢咁睇少我地???!!! 我地呢日既TARGET 係新竹喎!!!!!!!!! 俾佢咁激一激, 我就要踩落新竹俾佢睇!!!!!

我地由關渡, 過關渡大橋去八里, 沿住條淡水河踩....

過左八里之後, 踩出去台15線~.... 我地就係響呢度迷路.....

究竟行邊度好呢???!! 我地響度拎個地圖出黎研究.......睇左一陣, 有架私家車停左響度, 問我地係咪唔識行..... 佢真係好好, 主動停車黎幫我地~ 佢教左我地點踩返出去台15線~

搵返條台15線就冇難度啦~ 跟住條線踩落去之嘛........ 其實踩馬路都唔係好難丫, 條路都冇乜車既~ HAHAAHA~ 我地就係咁, 好順利咁踩到去桃園縣 (其實好近, 好快就踩到.....)~ 係熱左D同曬左D 之嘛~

踩到好熱, 又好曬.... 見到橋底有野食, 唔好理喇.... 抖下先~

咁熱....我地冇食正餐.......呢個吸引好多~~~

大熱天時~ 正~

食完抖左陣, 又再出發~ 踩到桃園機場喇~

踩到其實都唔知自己響邊...... 全部都係公路.....

踩到一個天橋底, 行錯路..... 但係有發現!!!~ 點解咁多坦車, 戰機........ ???!!

估唔到行錯路都有驚喜~

踩到3-4 點..... 好眼訓呀..... 見到難得有陰間, 訓陣抖陣先~

由於係行西邊海線, 冇乜補給...... 要買野就要踩返入去.....
A 小姐由於飲晒D 水, 所以我地就要搵補給地方~

天黑喇.....

踩下踩下,太陽伯伯開始收工喇......

我地點好呢??! 呢度乜都冇, 訓街咩???!! 唯有踩快d 啦, 快d 去到新竹........

我同A 小姐黎之前都未踩過公路, 更加未試過夜晚踩公路啦...... 有D 驚.... 但係冇辦法, 都要踩落去.....

好感動的一晚~

踩下踩下, 見到旺D 喇, 原來係南寮.... 由於已經8點幾, 我地決定唔入新竹, 就咁響附近搵住宿就算喇~

我地搵左間汽車旅館, 水晶溫泉MOTEL~ RECEPTION 既兩個靚女好好人呀~ 佢見我地兩個踩到咁夜, 響台北踩落黎, 對我地好好, 好關心我地~

佢地響度叫緊外賣, 見我地踩到9點, 應該未食野...... 就同我地講話順便幫我地買埋野食~ 我地梗係話好啦~ 踩左成日.... 好攰呀..... 唔想再出去食野喇...

當時佢地仲成緊水果 - 西瓜 & 蓮霧~ 佢同我講話台灣既水果好好食, 一定要試.... 跟住就倒左好多俾我地, 叫我地返上房食, 補充返D 水份~ 真係好感動呀.....

到佢地幫我地買既野食送到上黎既時候..... 佢地竟然唔肯收我地錢呀..... 佢地真係好到令我覺得唔好意思呀.......

最衰就係我呢晚太攰, 唔記得問佢地叫咩名, 冇同佢地影張相留念...... 到第二朝, 佢地已經收左工喇..... 真係好可惜.... >.<......

呢D 就係房間既相喇~