第十九天 - 滿州到台東 (單車 - 124 km)

日頭影返間民宿先~ 其實環境都幾好~

見個天色唔錯, 快D 踩喇~ 如果唔係一陣又落雨喇~

沿途靚靚既風景~

食個早餐先~

呢間早餐店好多好野睇~~

食飽飽, 開始踩喇~

天陰陰, 想落雨... 都係避避先~

 可能呢排落雨落得太犀利...... 水土流失得都幾厲害......

 呢度D 山景好靚呀~

 ...... 見到都驚.....

 港仔~ 呢度有個沙漠架~

 有山有水, 正~

 一望無際既太平洋~

 差唔多中午時份, 搵到個地方HEA~

舒舒服服上壽卡~

就係響個亭度, 預到一個台灣既單車人~ 佢叫我地唔好響度HEA, 要上壽卡就要快, 因為要踩4-5個鐘.... 再唔行就天黑都未上到山頂......

我地兩個本來攤左響櫈度.... 即刻彈起身.... 咩話??!! 4個幾鐘??!! 仲要係4個幾鐘上斜?! ... 你都踩4個幾鐘, 我咪要踩6個鐘??!!

即刻問佢有冇第二條路上台東啦.... 佢話有, 但係只可以行, 唔可以踩單車... 一係就抬單車過.... 咪玩啦... 架車咁重加埋行李, 點抬呀??!!!... 咁我地就醒起尋晚既CALL 車提議... 佢就話, 叫我地去警察局問下, 睇下佢地幫唔幫到我地.....

同呢個單車人告別之後, 我地就即刻上車, 踩過去睇下點算啦.....

我地都係唔死心.... 係都唔想踩壽卡, 想搵第二條路.....
.... 路就搵到條叫阿郎壹古道, 但係.... 石路一條... 同埋應該會有好多石重天而降.... 都係算吧啦....... 返出去搵警察啦....

 去到差館, 問佢有冇得CALL 車....... 佢地就幫我打電話.....

 車到喇..... 要拆轆先上到兩架單車.......

 坐車真係舒服.....

 我地坐車, 都坐左大半個鐘..... 自己踩.... 咪玩啦....
到左壽卡驛站, 即係山頂..... 其他單車人見我地落車... 可能身有屎啦, 硬係覺得佢地好似好鄙視我地咁.... 但係, 我地冇後悔CALL 車~ HEHEHEEE~

 舒舒服服上山頂係要付出代價架~

.... 不過我地到而家都冇後悔俾錢坐車上山~ HEHEHEEE~

之後講俾人知我地搭車上壽卡俾人鄙視, 有人竟然叫我地如果下次又係咁既時候, 叫個司機響驛站200-300 米放低我地, 我地再踩去驛站.... 感覺會好好多.... 一言驚醒~ 係喎, 我地早少少落車咪得囉~ 各位如果會CALL 車既, 記得喇.... HAHAHA~

我諗其他人都會好努力咁踩上去, 係我地兩個咁衰, 完全毫無意志力..... 一路坐車, 我其實都有留意條路, 其實都唔係難踩既... 不過會辛苦D 囉.... 同埋我諗要踩4-5個鐘..... 算啦~ 上到黎, 自己踩返落山囉~ HEHEEE~

我地落山之後踩得好快呀, 可能因為坐完車, 有罪惡感.....想以台東為目標... 同埋如果今晚可以到台東, 咁聽朝就可以去綠島~ 努力呀~

呢度咁似泥漿既??!! 有D 似泥石流......

努力踩呀!!!!!!

 完全冇停過..... 直至.....

 直至去到7-11, 我地一口氣響壽卡頂踩到黎..... 踩左好遠架喇.... 但係仲未到台東....

 其實呢一日既沿途發光係最靚既~

 我地真係踩得好辛苦, 踩到夜晚, 終於到台東市喇.....

其實我地響路上, 見到個台東牌仲有1公里... 好開心就到啦~ 因為都踩到好肚餓, 諗住捱埋呢1KM..... 點知... 1KM 之後, 見到個牌寫住台東.... 但係下面有個牌寫住台東市14KM...... 我即刻大叫.... 搞錯呀??!!! !@#&^*&#$^*#@($&@*$^(*!@&#!*#&@$*)#(

都冇辦法啦... 都要踩入台東市.... 唔通訓街咩.... 我地踩到個天黑晒.... 仲要差D 過左台東市都唔知... 事關冇路牌寫住呢度係台東市.....

入到去... 好肚餓.... 乜都唔理, 食左野先....

 食完之後, 我地去單車鋪CHECK下架車... 因為覺得架車唔係好對路......

CHECK 完之後, 順手問下邊度有住宿~ 個店員好好咁畫埋地圖俾我地......
我地響度, 仲遇到一個單車人, 同佢講普通話既時候, 覺得佢唔係台灣人.... 同單車鋪講開, 佢先話0個個係香港人..... 有冇搞錯??!! 我地用普通話溝通??!!

 店員介紹既住宿已經FULL 左.... 我地唯有周圍再搵啦~

搵到去一間民宿, 個老闆娘好NICE, 我地傾左好耐....但係因為佢地既民宿價錢貴, 所以我地都冇留低.... 不過佢明知我地唔住都帶我地參觀佢既民宿, 好NICE 呀~ 佢個女都好得意, 阿媽未出黎既時候, 佢走出黎扮老闆娘~ 呢個妹妹仔好搞笑~

我地最後, 都係搵左間住宿~ 求其啦~ 第二朝都去綠島啦~

我地呢日雖然CALL 車, 但係都好努力咁踩, 踩左124KM呀~ 破晒紀錄呀~ 總算交到貨啦~