張小姐的台灣單車環島遊~: 第二十九天 - 台北迷走

本來我係過兩日走既, 但係台北都黎過幾次, 冇咩地方好行, 因為佢係一個大城市, 同香港差唔多.... 同埋天氣開始唔好, 預測會落雨... 咁不如早兩日走啦~ 於是, 我就改左機票今日走~

最後的一朝~

最後一朝, 我去左西門町食早餐~ 行去....好順利就到左~

又經過總統府~

買早餐先~

買既飲先~

呢個就係我既早餐喇~ 老天祿雞脾+蜂蜜苦瓜汁~ 正呀!!!!~

由於咁順利行到黎西門, 我簡直係充滿信心行返台北車站呀~

點知行下行下..... 我諗, 我又盪失路喇.....

見到好多唔同既建築物.... 都唔知乜黎既....

有D 好似係大學, 有D 好似係法院.... 真係唔知....

點解又黎返總統府既??!?! 呢個係佢既背脊......

又係西門??? 我真係迷路了......

行左一輪, 呢個方向好似似樣D喇.....

行左成粒鐘, 終於返到民宿....要快D執野喇.... 飛機唔等人架.....

其實響呢間HOSTEL, 我識左一個泰國華橋, 我同佢好好傾呀~ 佢仲送我去搭車添~ 我覺得我遇到既每一個人, 每一件事都係緣份巧妙既安排~ 好美好呀~

點解我會咁多行李架? 明明踩單車既時候得好少咋喎......

CHECK-IN 之後, 我去還寶貝機既SIM CARD.... 出事喇..... 我提早返香港, 只係記得改機票, 唔記得通知旅遊局要早還寶貝機呀..... 大鑊喇.... 我張用黎抵押既回鄉卡冇得攞呀... 點算呀??!!! 還卡既職員姐姐黑晒面.... 叫我去第一航廈拎喎.... 我點趕得切呀?! 仲有20分鐘就要去到閘口, 你玩我咩??!! 佢既態度真係麻麻地.... 佢幫我打電話去問, 但係乜都唔肯同電話姐姐講, 要我自己講一次.... 我已經講晒唔好意思, 因為係我自己唔ARM, 但係你D 態度都唔駛咁差架.... 電話中既姐姐仔好得多, 好好禮貌......

其實你俾人借寶貝機都係想人鍾意台灣, 幫台灣加分之嘛.... 你咁既態度, 咩分都扣晒啦... ai.... 我唔會嬲佢, 因為係我自己唔arm 在先..... 我只係可惜佢既態度, 如果你咁對人既, 做幾多野都冇用啦, 要人受你氣......

我返左香港之後既一日, 已經收到email 黎問我攞地址, 寄返張回鄉卡俾我, 仲好好禮貌, 問佢野都好肯答我~ 都係good 既~ 之後過多幾日, 我就收到掛號信, 寄返張回鄉卡俾我喇~ 抵讚~