尋晚踩左咁多, 我雙腳終於FEEL 到有D 攰.... 我之前一路都係上半身 - 手同腰同頸覺得攰, 雙50吋長腿一D事都冇..... 終於覺得對腳酸痛喇......
踩左174KM, 黎緊幾日, 我地真係可以HEA 踩...... 但係我又諗, 我地發咩神經, 將幾日既路程, 一日踩晒??!! ANYWAY, 都踩左, 就當係証明我地係可以做得到既~
HEA 到離譜既一DAY~
我地呢日, 其實唔係踩單車既日子, 應該講係食食食會貼切D......
一早食左早餐, 之後, 民宿老闆帶我地去食佢地附近好出名既炒米粉..... (佢開車, 我地冇踩... WAHAHA)
食完早餐唔夠半個鐘, 又食咁多野.....
食完之後, 我地同民宿老闆告別, 再次上路~ 我地經過酒廠, 入去HEA 下啦~ 唔好踩得咁辛苦呀.....
又食, 食雪糕~ 香檳味有提子乾架~
食完, 又食..... 但係... 好難食....我可以話,食一啖試下都幾得意既, 一條雪條, 唔該廿個人SHARE丫...... C先生食兩啖就放棄..... 浪費......
好大個棋盤呀~
九宮格??!!
又HEA左響度飲野~ 左邊係麥芽糖唔知乜茶, 有酒香~ 幾特別...... 右邊係新鮮啤酒~
HEA得太耐, 實在過已唔去..... 所以都係踩啦... 我地既目標只係新城火車站.....搭火車避開蘇花公路~
但係一見到7-11, 即刻想入去又HEA 過.... 不過呢間冇思樂冰, 所以我地決定去下一間7-11....
條路其實好好踩......再加埋我地超HEA 咁踩..... 正~
見到7-11 喇~ 入去整返杯先~
話咁快, 就黎到火車站..... 買車飛先~ 不過未夠鐘有車.... 有成個幾鐘..... 所以, 我地就....
踩去睇橋~
再踩去7-11 HEA 過~
HEA 到咁上下, 去火車站....真係要預多D時間抬車.....其實佢有條坑俾單車推上去, 但係我地既馬鞍袋頂住.... 好難推......
架車好多人呀.... 好麻煩先推埋兩架單車上去~ 我地仲搭訕, 識左個羅東姐姐仔~
我地本來打算搭到去蘇澳新站, 之後再踩, 但係呢個姐姐同佢D朋友話而家都差唔多天黑, 咁踩好危險,同埋蘇澳個站乜都冇, 好難搵住宿.....所以就叫我地搭多兩個站去到羅東, 住宿同食野都方便好多~
我地兩個HEA 爆懶鬼, 最後梗係搭多兩個站啦.... HAHA~ 就係咁, 好輕易咁去到羅東~
搵左住宿之後, 又食過~ 今次食餐勁既~ 當係慶祝我地尋日既壯舉~
呢餐勁呀..... 我地去打邊爐~ 原來C先生都刷得下喎~ 真係飽飽~
食完之後, 去佢地好出名既羅東夜市..... 但係.... 差唔多閂晒門喇.....
呢日真係由朝食到晚~ GOOD 呀~完全冇乜建樹...... 但係HEA 得開心就得啦~
沒有留言:
張貼留言