張小姐的台灣單車環島遊~: 第十八天 - 墾丁到滿州 (單車

呢日都係幾開心既一日, 離開令我地失望既墾丁, 卻遇上不一樣的旅程和SURPRISE 既滿州~

C先生痛下決定, 離開墾丁~

由於天氣唔好, 我地留響度都冇意思, 所以.... 閃~

唔好誤會... 天氣係差, 但係未至於差到咁... 我諗係我個相機濕氣太重....鬼咩.... 咁落雨法....

好彩個相機一陣之後回復正常0者.....朝早既墾丁大街好冷清, 同夜晚既繁華成超強烈既對比....

黎到小灣.....

船帆石~

我最LIKE 呢度~砂島~

真係好靚呀~

踩到去鵝鑾鼻公園... 我地冇入去... 只係響附近食野~

其實呢日都好多人黎.....

我地只係想去呢度~ 台灣最南點!!!!~

點知去到.... 多人到呢..... 我想影張冇人既都唔得.....

嘩.... 咩事呀??!! 又打到黎??!!

真係打到黎.... 又大風, 又大雨.... 我同C先生搵左棵大樹黎避咋...... 你睇下呢位仁兄把遮爛到?!

重遇台南大哥~

呢段既經歷都好特別~

話說台南相識既大哥打俾我, 問我響邊, 咁我咪話響鵝鑾鼻囉.... 跟住就話過黎搵我, 兩個鐘頭後到, 過到黎附近再打俾我.....

咁之後, 佢打俾我話到左恆春, 問我響邊, 我咪話響最南點踩上左少少.... 佢又話我... 踩得咁慢既, 佢一陣就到.... 收左線之後, C先生問我, 佢黎做咩呀??!! 我只可以答佢... 唔知喎...哈哈~

過左一陣, 台南既大哥真係黎左搵我, 佢唔係踩單車, 係同個朋友一齊, 開架七人車過黎.....

咁佢就話響邊度邊度等, 我同C 先生就踩上去, 佢就開車去0個度等我地~

C先生一口氣咁踩上斜, 我叫都叫佢唔住.... 點解叫住佢?!.... 我架車條鏈上左兩步斜路, 又kick 住左..... 冇幫手, 自己搞啦~ 今次吸收左上次既經驗, 冇拆個後轆出黎, 整左一陣就搞掂.....

搞掂架車, 踩左兩步上斜之後, 大哥架車見我咁耐都未上到去, 返轉頭搵我...... 一見到我, 就落車話, 你踩得咁慢, 不如幫我踩..... 我當然問, 係咪真架???!!! 哈哈.... 就係咁, 我上左車~ 呢位大哥就踩我架車上斜~

重拾坐車既感覺~ 真開心~ 舒舒服服咁坐響車, 見到自己架車響前面踩緊, 感覺真好~ 再見到C先生好辛苦咁踩, 個心仲好涼, 好爽添~ HEHEHEEE~ 正~

坐車, 話咁快就去到景點, 唔駛踩到死下死下.... YEAH~

話咁快, 就踩到黎佳樂水~ (我係借C先生架車黎影相.... 因為我架車已經快到唔知踩左去邊喇... WAHAHA)

入左去佳樂水, 真係有好多天然既怪石呀~

七月十四??!

我地就係入去, 坐呢架遊覽車, 司機叔叔沿途講解~

之後, 我架戰車就上左車, 我同C先生都上埋車~ 大哥就騎住C先生架戰車開去滿州.... 佢仲駛出絶技..... MOUNT車邊.... 佢真係MOUNT 住個車窗位, 跟住七人車行... 唔駛踩... 我覺得好危險, 真係神乎其技......

就係咁, 我地就坐享其成咁去到滿州食飯~ 呢一段路真係好特別~ 非一般既經歷呀~

真係好多謝呢位大哥, 佢真係好好.... 佢又請我地食飯喇....

佢其實真係特登過黎搵我地, 食完飯之後, 佢開車返台南喇~ 後會有期呀!!!~ 真係冇諗過咁快又會見到佢~

其實搭順風車既時候同佢開車既朋友傾開, 佢朋友話呢位大哥響台南遇到我地之後, 返去同佢地講, 話見到兩個香港女仔拎住張台灣人都唔識睇既地圖過黎台灣話環島喎.... 佢地傻架....
哈哈~ 咁我地既地圖又真係雞D 既, 係一張響機場拎既台灣大地圖.... 但係台灣人都好好人, 唔識路可以問架嘛~ HEHEHEEE~

響鄉下, 但係好SURPRISE 既一晚~

再次告別呢位大哥之後, 我地要搵住宿落腳喇~

無意間, 響一間食店入面有人出黎問係咪要搵住宿, 佢話佢0個邊好好, 叫我地跟佢去睇下先~ 咁我地去到, 見到其實OK~ 咁就是但啦~ 後來先知, 間食店係佢家姐開既, 都係咁ARM 見到我地, 先帶我地去佢既民宿.... 一切都係緣份, 整定我地有呢一個難忘而開心既晚上~

由於呢度係鄉下地方, 我地一D EXPECTATION 都冇... 諗住出去行一個圈之後, 返去早D 訓, 第二朝早D出發.....

響街度, 無意中發現電線上..... 一點一點既, 全部都係雀仔... 真係好多... 密密麻麻架......

由於鄉下地方, C先生驚夜晚會肚餓, 所以買定野食~

呢度就係民宿~ 其實真係幾好~

沖完涼之後, 去到出面個花園, 老闆同老闆娘響度同朋友傾計~ 叫我地埋去坐, 一齊飲茶傾計~

佢地好好傾, 我又問佢地有冇辦法避開壽卡唔踩 (壽卡係一個好高既山, 踩單車會踩死的.....), 佢地話冇.... 我地即刻好灰.... 咁有人就提議話CALL 車.... 我地即刻覺得, 都好喎, CALL 車都唔錯丫.... 就係呢個提議, 令我地聽日既行程埋下伏線..... HAHA~

呢度真係越夜越熱鬧呀~ 越夜越多人.... 佢地差唔多全部都唔係呢度既住客.......