水晶溫泉motel~ 真係好難忘~
過左一個咁難忘既一晚後, 我地又要上路喇~
踩入自行車道~
踩返去台15線~ 見到有自行車道, 踩入去啦~呢條係竹美自行車道~
呢邊d 差館係可以加水架~ 入去加水先~
單車鏈出事.....
出左自行車道, 行左一陣上天橋...... 點解??!!!!! 條單車鏈kick 住左???!!!! 死喇....鳥哥冇教點整喎....... 都冇辦法.... 周圍都係公路, 烈日當空....
搞左一陣, 有兩個機車哥哥停車睇我地駛唔駛幫手..... 佢以為我地爆軚.... 我同佢地講條鏈有事, 佢地話唔識整, 但係都試下幫我地.... 好快, 連佢地都唔知自己搞左d 乜, 搞掂左.... 其實應該我地差唔多自己搞掂, 係差少少.... 結果佢地幫手~ 都好感動~ 佢地真係好好人呀~ 仲俾左對勞工手套我下次如果壞車用添~~
踩到去下一個點, 有7-11.... 影隻手俾大家睇下先~ d 黑色洗左幾日先甩晒..... ai......
黎到7-11, 梗係飲杯思樂冰同食個lunch 先啦~
hea 到2點幾, 又繼續~ 路上都見好多呢d 西瓜鋪.... 係呀, 係西瓜, 唔係冬瓜呀.....
大逆風.....>.<
見到好多風車...... 好似好靚... 但係我好討厭佢地.... 因為有風車, 即係大風先會起風車做風力發電啦..... 我遇到既就係大逆風!!!!! 逆到落暗斜都要踩先郁..... 真係好灰心..... 點踩架車都唔去既......
大斜路..... >.<
過完大逆風之後, 就係呢條大斜路..... 開頭我好有心機踩, 諗住踩一陣就會落斜.... (A小姐都費事踩, 一開始就推車....)..... 點知.... 上左一個斜之後轉彎, 又係一個斜路...... 得, 你玩野, 我就唔踩..... 結果我同A小姐一齊推上去..... 推完一個斜路轉彎又係斜路..... 我地推左好耐..... 咩地方黎架??!!!
終於上到頂..... 痴線架條路!!!!
推車推到上去, 緊係踩返落黎啦~ 推車推左差唔多半個鐘, 換黎既係落之不盡既落斜~ 真係落極都仲有~ 爽呀~ 落左幾分鐘, 就到底LU~ 感覺好正~ 但係推車上去都係好辛苦......
之後就繼續踩落去....
踩到白沙屯, 天開始黑.... 我地諗住響附近搵住宿, 唔想好似之前一晚咁踩到8點幾9點, 同埋頭先經歷過大逆風同大斜路.... 身心彼累.... 好驚之後又有D 咁既路......
咁ARM, 響7-11 度遇到個叔叔, 佢又係環島..... 不過佢係用三日去環島.....我叫佢做陳三天.....
佢真係好癲呀.... 呢日係佢既第三日, 佢每日踩300幾KM, 朝早5點幾開始踩, 到夜晚9點搵住宿..... 要挑戰自己喎...... 我聽到呆左......
佢同我地講, 通霄鎮其實唔係好遠, 同埋之後既路都好易踩, 好平, 好快就可以踩到去, 唔辛苦喎....
我地就係聽佢講, 到左通霄鎮......
到逹通霄鎮~
我地一到就即刻留意住宿, 見到單車鋪, 即刻去檢查下架車, 因為之前條鏈出過事..... 但老闆好好人, 幫我檢查, 冇收我地錢.... 仲話附近得兩間住宿, 兩間都唔係幾好, 但係冇乜得揀喎.... 咁我地都係求其搵個地方住0者.... 是但啦.... 結果...... 我以後都唔會再響通霄鎮留宿.........
又係旅社.... 呢間差過仙渡莊好多........
放低行李同單車, 我地出去搵飯食~ 行左一陣,發覺呢度好多飲品鋪.... 唔係好多, 係太多..... 行幾步就有一間..... 痴線架.... 咁我地都買左杯黎飲~ 我呢杯係超大杯呀~ yeah!
食飯喇~ 好味~ 間鋪頭既嬸嬸都好好傾~
食完就返去早d 抖...... 但係間旅社........
沒有留言:
張貼留言