第二十二天 - 初鹿到花蓮 (單車 - 174 km)

呢日發癲..... 由於我地咁耐都未試過清晨出發, C先生要求下, 我地5:30AM出發~

在晴朗的一天出發~

影相為証先~ 真係晨咁早呀... 但係個天都光晒LU~

 朝早出黎, 好涼爽, 一D都唔熱, 真係幾正喎~

 食個早早早餐先~

準備好就出發踩踩踩喇~ 我地今日假定既目標係花蓮.... 好遠架真係....

我一路都好想等日落影倒影相.... 原來清晨都得架喎~ HOHO~

 冇事冇事, 架車冇壞... 加氣0者.... 嚇死我呀....

 好靚呀~

 危險動作.... 一路踩一路自拍.... 真係幾危險.....

 踩到去花園, 入去睇下先~

 睇左陣, 繼續沿台9線, 即係花東縱谷既山線踩~

 踩到肚餓, 食少少野先~ 有D人而家先黎食早餐... 但係已經係我地既第二餐早餐喇.....

 朝早踩左88喇~ 努力呀~

 踩到中午, 抖抖先~

 呢度係瑞穗..... C先生開始後悔, 話落雨好踩D..... 哈哈... 等你仲一路想出太陽... 曬死你呀~

 我地好勁呀~ 晏晝踩到去光復糖廠喇.... 我地真係有機會一日踩到去花蓮市呀......

糖廠最多既唔係雪糕雪條....而係... 烏蠅....... 真係好多....

 好核突呀..... (咁你又影??!!)...HAHA~

 繼續踩踩踩~

 到花蓮市喇..... YEAH~~ 我地真係成功左呀~~

 見到7-11, 唔得喇.... 一定要整返杯, 抵奬下自己啦~

 真係到左花蓮市, 有相為証~ HEHEEE~

 醫肚先~其實冇乜胃口......

我地響花蓮市搵左一輪住宿, 好多地方都FULL 晒.... 唔記得係WEEKEND 添..... 本來唔想打擾台南位大哥, 因為佢有朋友響花蓮開民宿.... 但係搵唔到住宿, 又要打搞佢一次喇.... 我地就係咁, 去左佢個FRIEND 間民宿住左一晚.......

同佢個FRIEND 傾下傾下, 佢仲車左我出去聽海浪聲同睇星星, 幾浪漫呀~ C先生已經上左房, 佢冇份浪漫~ HAHA~

呢一晚都好難忘...... 我終於知道咩叫低處未算低.....


真係估唔到, 我地真係做到, 一日踩到花蓮~ TOTAL 174KM呀~ 勁呀!!!!~