第十三天 - 台南一日遊~ (單車 - 0 km)

尋日抖左一日, 再加埋係咁捽跌打酒~ 都仲算行得..... 係慢D 0者~ 咁就照原定計劃, 落台南!!!

食個早餐先~

跛左都照落台南~


今次係搭莒光號, 劃左位既車~

 車黎喇~

 話咁快就到台南~

我地第一站係去安平.... 搵車搭.... 點知...差D 上錯車....

 終於搵到架ARM 既車去到安平喇~

 食碗豆花先~ 出名架呢間.... 但係我覺得普通啦...

 個天都仲係幾靚~

 出名既周氏蝦捲~ 真係幾好食~

 好景不常..... 舊黑雲追住黎....

 繼續食食食~

 又食~

 好好味呀~蒜泥蚵仔~

 豬手~ 都好淋~ 好入味~ 唔知係手定腳.... 以形補形先~

呢個係冬瓜...點搬得郁呀??!! 唔怪得店主可以大安旨意放響街啦.... 根本就冇人會偷..... 係偷都實際D, 偷錢啦... HAHHAHA~

呢條好似係叫安平河..... 其實都幾舒服, 幾靚~

 又繼續食食食~

 棺材板~

 好好味呀~

 赤嵌樓.... 冇乜特別.... 仲要俾入場費..... 早知食左D 錢去好過啦~

 連我呢個跛既都好快行完....可想而知有幾多野睇啦....

繼續去食野好過~ 

 蝦捲都係周氏好食D~

 呢個好好味呀~

食左兩間擔仔面..... 感覺都係差唔多...佢地都係有少少酸酸地.... 我唔係幾鍾意....

本來諗住搭車去花園夜市.... 但係見食得飽飽地, 不如行過去, 順便落下格先~
沿路見到個公園.... 有得估燈迷?!

 行到去花園夜市喇~ 好大呀.... 但係人唔算太多, 可能晏晝落過雨啦..... 其實我地晏晝都驚個夜市會因為落雨唔開.....


呢檔既芒果冰好好味呀~ 超香既芒果味呀~ YUMMY~

 我地行多陣, 都冇乜食過野, 就落雨喇.... 仲落好大雨..... 一落就好似香港黑雨咁.... 痴線架....
又大風又大雨.... 我又跛..... 好彩B先生咋..... 如果唔係我就超狼狽呀.... 但係而家就變左佢超狼狽~ 哈哈~

我把遮就係響呢度吹爛左......

本來都想再食既, 但係見D 雨有排落都唔係辦法....... 我地等細雨少少之後, 行去搭的士... (如果我未跛既, 我諗我地會一早衝左去搭的士.... 唔駛等運到....ai....), 搭去台南車站再搭火車返高雄......　

我條褲濕晒呀.... 好彩係快乾褲~落火車就乾晒~ heheee~ B先生就濕晒... 我諗佢滴得出水呀~

呢一晚好夜先返到民宿..... 聽日訓晏D 先出去啦~