呢日係高雄休息週既第一日, 所謂休息, 只係停止環島行程, 響呢度附近遊走~
由於A小姐今朝返台北, 而第二個PARTNER (B 先生) 未到, 咁我就自己一個響高雄遊盪~
9點幾陪A小姐一齊出門口搭捷運, 今日自己HEA, 買張ONE DAY PASS 先 -- 搭盡捷運, 唔好蝕~ HEHEEE~
天氣唔錯~
早上既捷運.... 係冇人架...
呢D 就係之前踩單車, 留響我身上既其中一個痕跡~
橋頭糖廠
第一站我就係去左橋頭糖廠
去到先知原來糖廠對於台灣黎講係一個非常重要既工業, 佢地響好耐好耐以前, 出產既糖係響世界數一數二架.....
亦都睇到好多日本文化....
呢D 係龍眼, 好多好多....
成棵都係, 收成唔錯~
呢D 叫接龍車~
入面有野買~
我食左條脆皮雪糕... 冇乜特別, 早知食第二隻味啦....
呢度其實幾大, 真係可以行大半日.....
第二枝既雪條, 鹹架~ 好特別, 好香既杏仁味~
呢邊就係工廠....任你行, 冇人理你...... 由於我得一個人, 我驚行左去D 隱敝地方仆低OR暈左會冇人發現, 所以我都唔敢亂行....
大人+小人車~
行行下, 行左去老街....
見到咁多人食呢間, 雖然我唔肚餓 (食左兩支雪糕, 一大杯仙草冬瓜涷.....)...... 都係想食...
食咩好呢? 好似佢既肉燥飯係出名既, 但係又想食米粉喎.... 點好呢??
一次過食晒兩樣咪得囉....
痴痴地... 真係食晒.... 生積咩?!
世運場館
第二站去左世運, 睇佢個場館有幾靚~
其實都行得幾遠....
佢沿路都有好多櫈, 仲要係唔同形狀既~
去到INFORMATION CENTRE,諗住睇下有咩睇...D職員就介紹我去"CUP"印.... 我"CUP CUP"下, 突然多左好多人... 我都係.... 閃~
好難先影到佢全相... 真係好難....
其實好似鳥巢, 但係鳥巢靚好多.....
美術館
去高雄市立美術館, 都係搭捷運~
睇地圖, 美術館都唔係好遠之嘛.... 唔知點解行左好耐... 真係行左好耐....
咁熱, 緊係整返杯啦~!
點解佢響香港唔慶祝生日既?!
唔怪得行左咁耐啦..... 條路都唔ARM... ai.... 呢條路似d 卦....
終於行到去喇~ 佢有個特別展.... 200新台幣~ 一場黎到, 入去睇下啦~ 不過入面唔俾影相~
行到佢閂門都未行晒.... 鬼咩.... 盪失路, 咁遲先去到....
佢出面有好多呢d 牌.....
呢度都幾舒服~
豬丹 (巨蛋)
呢個站其實都幾好笑, 都係B 先生發現.... 話說高雄捷運係會用不同語言黎講下一站係乜, 呢樣一D都唔奇, 香港都會講廣東話, 普通話同英文啦~ 而高雄捷運就會講普通話, 台語, 客家話(好似係), 同英文..... 奇就奇在.... 巨蛋呢個站既發音, 除左英文之外, 其他幾種語言係完全一樣.... 所以, 一到呢個站, 就會聽到.... 豬丹, 豬丹, 豬丹.... 好詭異架..... 大家如果響高雄, 不妨留意下丫~
高雄巨蛋....都唔似蛋既....
原來呢個站冇乜好行.... 結果我就去左瑞豐夜市.... 好多人呀....
呢個堅呀~ 勁過歡樂天地+冒險樂園呀!
愛河之心+光之塔
食飽之後就諗住行多陣, 所以就自己好浪漫咁行愛河之心同光之塔......
呢個愛河之心其實都幾舒服, 好靜, 冇乜人, 真係好好行......
光之塔, 其實冇乜特別...... 可以不去....
呢日真係行到癲..... 由朝早10點行到夜晚10點先返到民宿.....本來唔駛行咁耐, 但因為我係零方向感, 經常行錯路.... ai... 聽日B先生黎到, 應該好好多架喇~
沒有留言:
張貼留言