第十天 - 踩單車遊走高雄, 旗津 (單車 - 唔知幾多 km)

呢日, 我地踩單車響高雄附近兜, 都去左好多地方~

駁二藝術區, 真愛碼頭, 漁人碼頭, 香蕉碼頭

食飽飽就踩單車出發喇~

 天氣唔錯~

 真愛碼頭.... 有幾真愛呀?!

 駁二藝術區

 香蕉碼頭

雄鎮北門, 西子灣海水浴場

我曾經響台南問過一個台灣人, 問佢平時幾點食晚飯?! 佢答我, 肚餓咪食囉~ 但係我每次響台灣旅行, 都係, 食得落咪食囉~ 因為台灣實在太多好野食喇~ 點食都食唔晒.....

 呢度係搭船去旗津既碼頭附近~ 我地踩緊去西子灣浴場~

 經過雄鎮北門~

 冇野睇既.....係一個地盤.....

 只係可以遠眺旗津燈塔~

 黎到西子灣浴場..... 咩係浴場?! 咪即係沙灘囉.... 點解要俾錢入去呀??!!.... 是但啦, 一場黎到, 入就入啦~

咪又係沙灘一個......

 

 不過有D 俾人HEA 既地方~

打狗英國領事館官邸

 冇乜好睇, 咁就睇高雄既全景啦~

 好多人呀....

 

高雄市景..... 都幾靚, 一眼就望到85大樓~

 

本來想響度食英式下午茶, 但係見好似冇乜特別, 都係落返山食其他野好過啦~

結果, 我地去左食冰~ 一定正過打狗既afternoon tea~

 好好味~

期待已久既.... 旗津~

我一路都想去旗津, 唔知點解覺得係一個好靚既地方, 同埋佢出名食海鮮~ 所以特別叫B先生安排行程既時候, 一定要加旗津~

響高雄搭船過旗津~

 帶埋架單車上....好多機車呀.....

 一到步就想上去燈塔.... 但係我地去左砲台先, 一陣先過去燈塔睇日落~

 上到砲台.... 好大風.... 高丫嘛.... 從高處望落旗津~ 呢度都幾好HEA, 咁大風, 好涼爽~

 砲台其實冇咩好睇, 咁咪落返山, 行另外一邊上去燈塔囉.... 點知... 有兩樣非常失望既事.....
第一樣就係, 離開砲台落山之後, 上另一邊山去燈塔.... 但係.... 燈塔已經關門大吉.... 灰... 一心諗住睇日落架嘛.....
第二樣灰爆既係.... 上到燈塔個山, 先發現原來砲台同燈塔係通架....即係唔駛落山再上山..... 白痴!!!!!

算啦, 繼續踩單車響旗津行下啦~ 呢個係星光隧道...... 各位千其唔好等登去...... 

 旗津海水浴場.... 呢個唔駛錢~ 不過我今日既玩水QUOTA已用完....

 呢個係專賣手信既地方.... 但係我乜都唔敢買..... 買左要跟我半個月, 仲要踩埋佢返台北.... 咪搞....

 呢個好味呀~ 我最鍾意食雪條~ (其實我係冇咩唔鍾意食架.... 哈哈~)

 但係我好冇眼光, 揀左兩次 (即係食左兩條), 都係麻麻地....

 我地最後得出既結論係, 花生味最好食~ 好香好濃既花生醬味~

繼續踩~

 好靚靚既日落呀~

 但係踩極都未到風車公園...... 天都已經黑晒, 我地冇帶電筒, 都係返去啦.....
後來睇地圖先知原來只係踩左一半, 有排都未到風車公園..... 搞錯呀...... 明明踩左好耐喇喎...

算啦, 去唔到風車公園都要返轉頭, 實在係太黑喇, 路都睇唔到..... 返去食海鮮啦...


食海鮮~

去返碼頭附近既海鮮檔.....

 見呢間多人就入去啦~

 但係其實麻麻地.....

 大家如果去旗津, 都唔好有太大期望....... 講真, 又唔係貴既... 不過.... 失望囉....

呢日係7-11生日, 同佢慶祝下先~ 思樂冰半價~