第二十四天 - 羅東到福隆 (單車 - 65 km)

呢日我地繼續HEA 住踩~

一早就有電話打黎, 用D 唔鹹唔淡既普通話講"要唔要特別虎烏....."???!!! 乜水呀?!??!! 原來係我地響台東, 綠島撞過幾次既香港人, 原來咁ARM, 佢又係住呢間飯店, 認得我地架車喎~ 好好笑呀, 真係冇諗過又撞返~ 佢踩埋蘇花, 我地就搭火車同超HEA 踩, 咁都撞得返仲同一間飯店..... 佢問一唔一齊出發.... 我梗係唔得啦~ 佢係勁人, 我同C先生COM 左HEA 踩架嘛...... 費事拖累佢啦... HAHA~

佢仲介紹左台北既HOSTEL, 睇下我地會唔會再響台北見啦~

出發喇~ 好曬... 好熱.... 我地起行既時候都已經係11點幾, 所以就同C先生傾左, 不如踩一陣, 同LUNCH 一齊食, 順便避埋太陽啦~ 所以我地空肚出發~

 踩到宜蘭附近, 見到有冰食~ 入去整杯先~ 呢D 係炒冰~ 好好味.....

 所以我再ENCORE 多杯~ 一杯有4球呀~

 食完之後, 都係想試下佢既雪花冰~ 宇治金時丫唔該~

 C先生全程睇住我食, 佢冇食到.... 因為佢驚咁食法會肚痛.... 我就唔理, 食完一杯又一杯~ 正呀~ 個炒冰真係好好食呀~ 如果唔係食到好涷, 我仲想食多幾杯炒冰呀......

踩多一陣,終於見到有正餐食喇~ C先生食正餐, 我就冇食.... 因為食冰食飽左..... WAHAHA~

 避左陣太陽之後, 再踩~ 有陰間.... HEA 下先~

 又係危險既自拍~

 我地跟住指示入自行車道, 行行下......點解呀???!! 俾條生路行下啦.......

 ..... 都唔知有冇搞錯..... 搞到我地要抬車出返去...... !Q@U#&(*^&#$&#@%$&*!@&*!(#&~!!!

 踩到黎福隆, 諗住睇日落..... 點知.... 冇地方睇.... 算啦... 搵住宿同食飯啦.....

 好出名既福隆便當~

 撞鬼呀~~~~
話說呢個係我地住宿旅館既老闆.... 成日都見到佢.... 估唔到食冰都見到佢.... 原來呢間鋪都係佢既.... ai...
我有少少懷疑, 成條街都係佢既...