台灣之行既總結~

其實我今次既台灣之行真係好開心, 每一日都過得好特別, 好深刻.....

今次我真係好好彩, 遇到好多好好既人, 帶俾我好多好美好既回憶~ 單車之旅真係令我有好多特別既經歷, 旅程雖然辛苦, 付出好多體力同汗水, 但係我得到既係更多, 畢生難忘呀!

我真係好多謝所有響台灣遇到, 幫助過我地既人..... 南寮既旅館姐姐, 蜂蜜水伯伯, 大村既大哥一家人, 台南既大哥...等等等等, 甚至響隧道耐心等我踩出去既大車司機, 每一個我搭訕問路既便利店姐姐, 機車哥哥.... 所有所有, 都非常感謝你地, 有你地, 我既旅程先可以順利完成, 同可以回味好多好多年~ 我會記得你地每一位架!


當然, 我都要好多謝我既三位partner 啦~

A小姐 - 就係因為我地係兩個女仔, 所以遇到好多特別既人同事.... 有你響度, 有個照應, 有人壯膽我地先會膽粗粗去一個陌生男人屋企借宿一宵..... 我真係估唔到我地有呢個化學作用~ 謝謝!

B先生 - 好多謝你安排晒所有行程, 令我唔駛擔心, 可以一心去睇踩單車既路線, 資料.... 你安排既所有行程我都好開心, 好滿意~ 我特別要多謝你響我拗柴之後既照顧, 你真係好耐心咁幫我呢個拗柴人.... 謝謝你!

C先生 - 近乎完美的C先生 (佢特別要求我咁講佢, 我就講一次啦...... 哈哈~) - 我都好多謝你, 雖然, 我一路都話你趕走晒D 好人好事, 但係有個男仔都幾好既, 又幫我換軚, 又幫我抬車, 拉喼... 其實我都做到架, 我咁MAN, 但係有你響度, 我可以偷懶, 做少D 粗重野, 謝謝你呀~ 當然都多謝你時刻保持清醒, 以免我地步入險境.... 如果我地繼續上山, 都唔知有咩後果... 真係唔敢諗.... 仲有, 你呢個PARTNER, 可以令我食得痛快! 謝謝!


希望我之後既旅行都會遇到好人好事, 每一個旅行都難忘又開心 :)