台灣環島前的準備~

由於我唔係一個成日做運動既人, 都唔係成日踩單車, 對單車裝備毫無認識..... 我甚至係出發前同朋友討論裝備, 講到單車褲既時候, 眼見單車褲唔平, 我仲同個朋友講 : 單車褲咁貴, 我都係著一個月, 我帶條窄腳褲去咪算囉......; 我朋友即刻同我講 : 乜你唔知單車褲有PAD 架咩???
我即時O咀... 即刻去睇單車褲.....摸落去.... 係喎.... 真係有PAD 架喎.....
好低能.....

正正係因為咁, 所以我要準備多D, 唔可以乜都去到先算.... 真係驚自己應付唔到....
搵資料最方便梗係..... 上網啦~




去台灣既INFO~

搵完資料之後, 覺得自己變左一個台灣逹人.......

1) 申請青年旅遊卡
http://tour.youthtravel.tw/travel2009/1120.php
** 後來發覺冇乜用.... 未用過.... 但係唔駛錢, 拎左先囉~

2) 寶貝機服務
http://tour.youthtravel.tw/travel2009/1210.php?forewordID=178&secureChk=d591516be5db4b34d19f24bfc137ec63
** 聽人講響台灣出電話卡好麻煩, 申請呢個都幾好~

3) check 優惠
http://www.welcome2taiwan.net/tw/index.html

4) 入臺證
https://nas.immigration.gov.tw/


5) 台灣天氣
http://www.cwb.gov.tw/V6/index.htm




單車環島既INFO~

租單車 - 環島梗係要有架戰車啦~ 你可以自己帶去.... 我呢D 就梗係租啦~ 我係響租車瘋度租, 其實仲有其他CHOICE, 各有所長~

1) 租車瘋
http://tzuchefeng.myweb.hinet.net/index.htm

2) 自行車新文化基金會
http://www.cycling-lifestyle.org.tw/Certify/article_content.php?articleid=114

3) frog蛙單車
http://www.eyetaiwan.com.tw/365/concept.html

4) DBK
http://www.dbk.url.tw/

5) 佳遊單車
http://www.wretch.cc/blog/yogoaima




至於要咩裝備, 我就睇左呢D WEBSITE...... 我比較著重安全問題, 所以係咁睇頭盔..... 我仲自己買左一個新既過去, 因為諗住都用一個月, 而且我諗住搵遇到既人響個頭盔上簽名, 咁呢個陪左我一個月既頭盔仲可以成為我單車環台既記念品添~

http://danche.xout.cn/zbhq/79113_2.html
http://forum.hotdl.com/thread-13717-1-90.html




路線點定?! 其實好多人來來去去都係咁上下既路線, 跟住D 公路踩, 唔係太難.... 對我黎講, 難度係上斜..... 所以, 我要揀一條平路黎踩, 上斜落斜可免則免......
我就係用呢個黎睇下有冇條好行D 既線俾自己上路.....就算避唔到斜路, 都有心理準備丫嘛~

http://www.heywhatsthat.com/profiler-0904.html




除此之外, 睇多D 人地寫既BLOG, 可以心中有數, 會遇到咩困難, 人地點解決~ 其實好有用.... 當然, 最後都係要自己執生啦~

http://appolopp.blogspot.com/2008/08/d26.html
http://www.travellife.org/forum/viewthread.php?fid=30&tid=85238&extra=page%3D2





住宿錢應該係成個TRIP 最大既洗費, 所以慳得就慳..... 呢D 都係睇下, 到時都係踩到邊, 搵到邊....

http://tour.youthtravel.tw/travel2009/1210.php?forewordID=45&secureChk=ed967590b01b394f449ca3f76654b9d8
http://tour.youthtravel.tw/travel2009/house/cht/search.php
台中美宿館 http://booking.okgo.tw/step1.html?ShopID=11602&ei=zh-tw&act=1
WWOOF http://www.wwooftaiwan.com/tw/wwoof-taiwan-hosts-preview.html
打工換宿 http://www.kitaiwan.com/job




由於當初諗到好PERFECT, 可以有時間周圍玩, 我地打算去清境一帶同阿里山..... 所以, 都搵左D 公共交通..... 呢D 上山我死都唔踩上去呀..... (其實我都踩唔到上去, 都係搭車算啦~ HEHEEE~)

http://ice2006.pixnet.net/blog/post/290702
台中公交gps http://citybus.tccg.gov.tw/tcbus2/




因為諗得太美好, 所以搵埋有咩景點玩添~
花蓮 http://www.hl-net.com.tw/
宜蘭 http://tourism.e-land.gov.tw/?PageId=CR06_F_F00
滿州 http://www.manjhou.url.tw/index.html
花東縱谷 http://www.erv-nsa.gov.tw/user/main.aspx?Lang=1
台東 http://cloudebook.horma.com.tw/mydocuhut/fileroot//media/15/15345/media/default1.html
http://www.mitaiwan.com.tw/meet_u_in_taiwan_booklet.pdf
http://www.mitaiwan.com.tw/bnb.html

PLANNING 同實際行程一定有差距, 都係要執生..... 所以, 睇得多只係感覺上安全D.... 當然, 睇左梗係好過唔睇啦~

去台灣環島.... 要知自己有幾多斤兩先~

諗住去環島, 都要睇下自己可唔可以應付....


我的踩單車經驗

話晒環台灣都1000 - 1200 KM嘛... 我既踩單車經驗只係徘徊響大圍-沙田-大埔-大尾督, 最勁都係大圍-大尾督-大圍, 仲要係十年前既事.... 究竟我得唔得架?

由於我諗住去台灣踩單車, 點都要試下腳.... 就係咁, 去大圍踩一轉~


決定環島前去試腳


搵左一日, 去大圍踩單車, TARGET 係大圍-大尾督-大圍 (都係得4X KM, 如果咁都踩唔到, 真係唔駛去台灣....). 點知, 上天俾左個考驗我.... 朝早落大雨, 大到係黃雨......

天呀.........

我心諗, 響台灣環島都有機會落雨架啦, 而家咁, 咪可以試下落雨踩單車囉??!! 我從來未試過落雨踩, 就算約左FRIEND而當日落雨, 都會CANCEL改去打牌.....

好機會!!! 原來個天俾我試下落雨踩單車~

出發去到大圍~ 第一件事,梗係搵單車鋪租單車啦~

點知...... 原來落雨, 好多單車鋪都唔開.... 唉..... 白痴仔.....


好辛苦先搵到一間開既單車鋪, 雖然冇乜車揀, 但係是但啦, 乜都好, 搵到架車踩下咪得囉~

開始踩既時候係停雨既~ 仲要經過pixar exhibition, 可以影下相~

踩下踩下, 開始落毛毛雨.... "bu 怕"!!!! 照踩~
再踩踩下, 開始大雨d..... "bu 怕"!!!!! 我帶左便利雨衣, 著左佢照踩~
點知再踩踩下, 超大雨...... "怕怕"!!!! 因為完全睇唔到路, d 雨水兜口兜面飛埋黎.... 痛架.... 同埋開唔到眼.... (我諗戴泳鏡會好d.... 但係我冇準備到... haha).

咁點呀??! 避雨囉.... ai...... 搵到個亭.... 避避先~

真係好大雨......

避左咁耐雨, 點踩到去大尾督呀??!!

 唔似會好天....只會一路落雨.....

 所以.... 都係去到大埔海濱公園算喇..... 係咁避雨, 天黑都未踩到啦.... 要還車架....

最後踩到海濱公園就折返大圍..... 點知, 還車之後.... 妖!!!!!! 出太陽喎??!!!! 有冇搞錯呀??!!! ^#*^$&*#@$@*#$^@(*$&#@*$(~!!!!!!!!

點解去台灣環島? 仲要係踩單車???!!

由於舊年年尾知道今年7月會失業, 失業做乜好? 一係搵工, 一係旅行...... 我想去一個長D 既旅行~ 之前去左澳洲一個月,先發覺去一個月既旅行真爽~ 所以, 邊度可以去一個月呢? 再去澳洲?! 太涷喇.... 去歐洲? 搭好耐飛機, 又貴....點好呢?!

年頭有一次無意間見到人地既台灣環島BLOG, 好吸引呀!!!!! 真係好想去!!! 好, 一於搵下資料先~

.... 但係到3月日本發生大地震,突然覺得地球好危險..... 有D 想縮沙留港...... 當然, 到最後我諗住人一世, 物一世, 而家唔去, 唔通等自己踩唔郁架單車先去咩??!!! 就係咁, 就有呢個張小姐的台灣單車環島遊誕生喇~ YEAH!